काठमाण्डू, २७ साओनः उद्योग, वाणिज्य तथा आपूर्तिमन्त्री गौरी कुमारी यादव एलपिजी ग्यास बेसी खपत करैबला उद्योग एवं होटलके अनुगमन करबाक लेल आग्रह केलैन अइछ ।
उद्योग तथा वाणिज्य आ श्रम तथा उपभोक्ता हित समिति आइ सिंहदरबारमे आयोजन कएने ‘अत्यावश्यक दैनिक खाद्य वस्तुसभक सहज आपूर्ति व्यवस्थापनक बारेमे सरोकारवाला निकायसँ परामर्श’ मे ओ खाना बनाबैबला ग्यासके अधिक भण्डारणक विषयमे संयुक्त अनुगमन करबाक लेल आग्रह केलैन ।
संसदीय समिति, वाणिज्य आपूर्ति तथा उपभोक्ता संरक्षण विभाग आ उपभोक्ता अधिकारकर्मीसभक संयुक्त अनुगमन टोली अनुगमन क वास्तविकता बुइझ क समस्या समाधान करबाक आवश्यकता भेल ओ बतौलैन । सांसद तथा सरोकारवाला निकाय व्यक्त कएने जिज्ञासाके उत्तर दैत ओ अनुगमनसँ देखाएल कैफियतमे कारबाही करबाक लेल मन्त्रालय तैयार रहल बतौलैन ।
राष्ट्रिय उपभोक्ता मञ्चक अध्यक्ष प्रेमलाल महर्जन फाइभ स्टार होटलसभ अत्यधिक मात्रामे ग्यास स्टक जमा कएने कारण सर्वसाधारणके ग्यासक समस्या भोगए पैड़ रहल शिकायत केलैन ।
उद्योग तथा वाणिज्य आ श्रम तथा उपभोक्ता हित समितिक सभापति रहबर अन्सारी अखन देखाएल ग्यास तथा खाद्य आपूर्तिमे भेल समस्याके अल्पकालीन, मध्यकालीन आ दीर्घकालीन योजना बना क समस्याके समाधान करबाक लेल अनुरोध केलैन । पेट्रोलियम पदार्थसम्बन्धी ऐन आ कालाबजारी विरुद्धक ऐन आनबाक लेल आवश्यक तैयारीमे जुटै लेल निर्देशन देलैन ।
उद्योग वाणिज्य तथा आपूर्ति मन्त्रालयके सचिव नारायण प्रसाद शर्मा दुवाडी मन्त्रालय अपन क्षमता आ सामथ्र्यसँ स्पष्ट योजना बना क आगु बढ़ए चाहने स्पष्ट केलैन । मन्त्रालय आ मातहतके निकायसँ सीमित स्रोतसाधनके बाबजुत सेहो अधिकतम बजार अनुगमन करबाक प्रयास करैत आएल ओ बतौलैन । (रासस)
